Disable Preloader
ავსტრიელი და გერმანელი კოლეგების ვიზიტი
06 ივნისი 2025
მოხარულები ვართ გაცნობოთ, რომ „ბლიც დენტალ - კახაბერ ხარებავას კლინიკას“ გერმანიიდან და ავსტრიიდან სტომატოლოგი კოლეგები ეწვივნენ.
ვიზიტის ფარგლებში, ჩვენი სტუმრები დეტალურად გაეცნენ კლინიკის თანამედროვე ინფრასტრუქტურას, ტექნოლოგიურ აღჭურვილობასა და ინოვაციურ მიდგომებს. ეს ყოველივე უზრუნველყოფს ჩვენს კლინიკაში არსებული მკურნალობის პროცესის მაღალ ხარისხსა და პაციენტების მაქსიმალურ კომფორტს.
შეხვედრის მთავარი მიზანი პროფესიული გამოცდილების გაზიარება იყო. განვიხილეთ თანამედროვე სტომატოლოგიური პრაქტიკის უახლესი ტენდენციები და სამომავლო თანამშრომლობის შესაძლო მიმართულებები.
„ბლიც დენტალი - კახაბერ ხარებავას კლინიკა“ მუდმივად ზრუნავს ხარისხისა და ინოვაციების გაუმჯობესებაზე და განაგრძობს საერთაშორისო პროფესიული ურთიერთობების განვითარებას.